Ez zen giro izan Donostian atzo! Tanbor hotsa ez zen ixildu eta Burrunbazaleren firi-firia ere ez, baina trumoi eta tximistei ezin eutsi, zaparrada ezin geratu.
Plastikoa nagusitu zen tanborrero artean, arropa gainean, instrumentuak bilduz… Eneeeee! Zenbat ur erori zen atzokoan Donostian!
Hala ere… ez zegon jendea festa atzeratzeko, ez zegoen Burrunba burrunbarik ez egiteko…
Datorren urtera arte, San Sebastian!
Burrunbazale talde hiperaktiboa da eta bere kideak ere bai. Denerako beta hartu ohi dute eta, banaka edo koadrilan, data seinalatuak ez dituzte ahazten. Egutegiak markatu ohi du Xexili eta, aurten arte, beste konpromiso batzuk medio, txaranga ez da atera Ordiziako kaleetara. Aurten izan da lehena eta poz ederra hartu dute plazan ze suma zebiltzan haurrek! Gure animoa zuentzat, burrunba hotsak alaitzen gaitu-eta!
Kondairak dioenez, V. mende inguruan, Santa Zeziliaren aktak agertu omen ziren latineraz eta mezaren hasieratan erabili ziren. Akta haien arabera, Zezilia Metelo senatore familiako birjina izan zen eta haurtzaroan bihurtu zen kristautasunera.
Gurasoek Valerius edo Valeriano gazte paganoarekin ezkondu zuten eta, ezkontza burutu ondoren, bikotea bakarrik geratu zenean, Zeziliak birjintasuna Jaungoikoari eman ziola esan zion senarrari eta aingeru batek gordetzen zuela bere gorpua; Valerianok birjintasuna gordetzen saiatu behar zuen eta Zeziliak Via Apiara bidali zuen, hirugarren harria zegoen tokira, han Urbano I.a aita santuarekin elkartuko baitzen.
Kondairak dioenez, horrela joan zen elkarrizketa:
Esandakoa bete zuen Valerianok eta Urbanoren bila joan zen; aita santuak bataiatu zuen eta Valeriano kristau eginda itzuli zen Zeziliarengana. Orduan, aingerua agertu zitzaien eta biak koroatu zituen.
Tiburtzio, Valerianoren anaia, inguratu zitzaien eta bera ere kristautasunera bihurtu zen; elkarrekin bizi ziren denak, garbitasun osoan.
Turcio Almaquio prefektuak heriotza-zigorra eman zien bi anaiei eta Maximo funtzionarioa izendatu zuen sententzia betetzeko, baina bera ere kristautasunera bihurtu zen eta bi anaiekin batera martirizatu zuten.
Zeziliak hilobi kristau batera eraman zituen gorpuak, baina berari ere jazartzen ari zitzaizkion. Bere etxeko bainugelan itota hiltzera kondenatu zuten, baina ez zen hil. Orduan hura irakiten jarri zuten, baina honek ere ez zion minik eragin eta kantatzen hasi zen, lasai-lasai.
Prefektuak, dekapitatzeko agindu zuen eta 3 alditan astindu zuten ezpata, baina ezin izan zuten burua enborretik aldendu. Funtzionarioak, hura ikustean, alde egin zuen beldurtuta eta birjina odoletan geratu zen.
Zeziliak beste 3 egun iraun zuen bizirik. Limosna partitu zien behartsuei eta, bera hil eta gero, bere etxea tenplo bihurtzeko agindu zuen. Urbanok Kalistoren katakunban eman zion lur, apezpiku eta kristau elizako goi mailakoen hilobian.Kondaira honek, V. eta V. mendeetan bildu ziren beste hainbat kondairak bezala, ez du inongo balio historikorik.
Historialariek Valeriano eta Tiburtzio benetako martire kristauak izan zitezkeela uste dute, baina Zezilia mitoa izan zelakoan daude. Santa Zeziliaren Akta hauek agertu ziren arte ez dira inon agertzen.
Gaur egun basilika dagoen tokia, Santa Zezilia in Trastévere, lehen etxe partikularra zen tokian dago. Agian donazioa izango zen. Inguruan, Bona Dea Restituta tenploa dago eta itsuak sendatzen zituen jainkosari dedikatuta dago. Latineraz, itsua cæcitas esaten da Cæciliaren oso antzeko hitza…
Horrela izan ote zen?
Erdi Aroan hasi zen musikarien patroi izendapen hori. Egia esan, ez dago inongo testigantza historikorik Zezilia instrumentu musikal batekin erlazionatzen duenik. Inork ez zuen pianoa jotzen ikusiko, edo organoa, irudikapen askotan horrela agertzen bada ere, organoa ez baitzen Erromara iritsi VII. mendea baino lehen eta pianoa, berriz,1700ean asmatu zuten.
Eguna ere Zeziliaren jaiotza edo heriotzaren data dela sinetsi izan da, baina hori oso ilun dago oraindik. Zenbaiten ustez martirioa 177an izan zen eta, beste batzuen ustez, berriz, IV. mendearen erdialdean.
.jpg)
Santa Zezilia, Trasteveren, Madernak ikusi zuen bezala 1599an, Maderna eskultoreari utzi zioten Zeziliaren gorpua ikusten eta basilikan gordetzen den marmolezko estatua bat egin zuen ikusi zuena irudikatuz. Estatuaren oinean, eskultorearen inskripzioa ikus dezakegu:
Eta ondoren hasi zen Zeziliari sekula joko ez zuen intrumenturen bat eransteko ohitura.
Eta nori inporta zaio? Guk Burrunbazale entzuteko aukera izan dugu! Gaur, Indarkeria Sexistaren Aurkako Nazioarteko Egunean, burrunba ugari izan dugu Ordizian; indarkeria sinboliko, leun, maltzur eta ia ikusezin horretan jarra nahi izan dugu arreta…- esanez hasi da goizean Kimetzek antolatutako enparantzako ekitaldia; …Esan diezaiogun EZ emakumeen aurkako indarkeriari!- esanez amaitu da.
Xexiliren istorioak badu batere leuna ez den indarkeria. ¿La música amansa las fieras? Fiera asko zebilen garai hartan… Edo garai guztiek dituzte bere fierak? Burrunbazalek ixiltasuna hautsi du eta musikak bihotz makurrak alaitu ditu. Ea fierak ere baretu dituen! Hamelingo xirulariak bezalaxe, lehenengo solfamiredon, umeak atzetik hasi zaizkio saltoka, gurasoek ere erritmoan sartu dira eta gizartetxoa osatzen joan da txarangaren inguruan. Gaurko egunak burura dakarkigun esanahi ezberdinen mingotsa uxatu eta bide zuzena markatu nahiko balu bezala… Zure atzetik goaz denok! Segi horrela, Burrunbazale!
OHARRA: Artikulu honetako informazioa Beti Argiren 2009ko emanaldian idatzitakoa da eta gune hartatik kopiatuta dago. Familian gaude, ez?
Sarri sarri sarri sarri sarri sarriiiiiiiiiiiiiiiiiiiii
Hori entzuten dugu Burrunbazalen eztarrietan, baina gaurkoa ez da sarritan gertatzen.
Txaranga laino artean askotan egon da eta ez gutxitan blai eginda bukatu ere bai, baina… ez Ordiziako festatan! Aurreko larunbatean egin zuen Haurren txupinazoa Burrunbazalek eta, nola edo ahala, libratu zen. Igandean, berriz, arratsaldeko tanborrada bertan behera uztekotan egon ziren. Zortea izan zen, hala ere.
Igandea izatea, ez da betiko gauza, bezperako parranda parea baitakar berarekin… 11:30az geroztik, asko eta asko makarrak kentzen dutxan zeuden bitartean, 25 urte entzuten ari ginen megafonian. Hori ere ez zaigu sarri-sarri gertatu. 12:00etan kanpaiak jo eta jo (ez dugu txisterik egingo…), txupinazoa Eliseo Alonso Errondaileroa eta Gaztetxearen eskutik eta bertsoa izan dugu udaletxeko balkoian. Horrelakorik ere ez dut gogoratzen…
Hasi da Burrunbazale Ordiziarrak gara jotzen eta ingurukoek aterki azpian zeuden gehienek! Hau Ordizia al da? Deskuidatu eta Beasainen edo Lazkaon ez ote gaude? Erraldoiak eta buruhandiek hezetasunarekin kontuz ibili beharrean izan dira eta txarangeron eztarriek hautsi beharrean joan dira kantari, Burrunbazaleeeeeeeeee…
Anders Behring Breivik norvegiarrak astakeria galanta egin zuen atzo han. Melokotoia halakoa! Hori ere ez da sarritan gertatzen eta eskerrak!
Amy Winehouse gaixoak, berriz, atzo egin zituen bereak, baina aspalditik ari zen bidea egiten. Lastime!
Eta Cadel Evans handiak ederra egin zien Schlecktarrei! Ezin denak aurrean izan!
Ez dira sarritan gertatzen horrelako albisteak eta ez da sarritan gertatzen gaurko txupinazoa…
Hala ere, sarritan gertatzen den bezala, lavidasigue, eta pozak eta katxondeoak lainoak uxatzen ditu (Barnekoak behintzat).
Aupa, Burrunbazale! Ondo baino hobeto hasi dituzue festak! Horrelaxe segi!
Burrunbazale, Burrunbazale,
Burrunbazale gera guuuuuuuuuuuuuu
Badira urte batzuk Legorretak eta Burrunbazalek festak ospatzeko bat egiten dutela eta aurten ere han izan gara kaleak alaitzen.
Joan den asteazkenean hasi zituzten jaiak legorretarrek eta Burrunbazaleok soziedadeko bertso afariaren osteko poteoan parte hartu genuen goizalderarte. Tabernaz taberna ibili ginen eta, hurrengo egunean goizean goiz lanerako jaikitzeko beharra ahaztuta, han ibili ginen hirurak arte giro ederrean jo ta fuego.
Ostegunean berriz, Legorretan tanborrada ospatzeko ohitura dago eta, oraingoan, legorretarren tanborren laguntzaz egin genion herriari bira gaueko hamaiketan hasita. Tanborrada bukatu eta, herritarrek tanborrak alde batera utzitakoan, berriro ere kalejira eta “temazoei” ekin genien, “pakitotik” “sarri-sarri”ra, goizalderarte.
Ostiraleko deskantsoaren ostean, larunbatean ordubatean hasita, paella txapelketa eta honi dagokion herri bazkaria girotu genituen, bazkalostean tabladu gainean igota amaitzeko…
Datorrengora arte ba, Legorreta!!!
Tolosako Iurre elkarteak larunbatean ospatu zuen bere urtemuga bazkaria eta Burrunbazaleok festa girotzeko gonbidatu gintuzten. Giro ezin hobean pasa zuten eguna elkartekideek eguraldia lagun eta beti bezala jan/edan apartaz egin zioten omenaldia elkarteari.
Eguerdian salda eta txorixo mutur batzuen laguntzaz gorputzak piztu ondoren, kalejiratxo bat egin genuen elkartekideekin (batzuk sukaldean utzita, nola ez…) auzoko tabernetako txakoli eta sagardoaz gozatuz… Bazkalostean txarangaren girotzeaz gain, Iurrekoek urtemugetan egiten duten sari banaketa (oilaskoak, esparragoak eta… banatu zituzten) eta, nola ez, Mikel Nieveren garaipen ahaztezina eduki genituen “sobremesarako”.
Oraingo honetan ere Burrunbazaleok lagun batzuk eraman genituen Iurreko giroaz gozatzera; eskerrikasko berriro ere Lander eta, nola ez, Garazi; “dos metronomos pertsonifikaus”… eta eskerrikasko, nola ez, Iurrekoei beste behin ere beraien festan parte hartzera gonbidatzeagatik!!!
Hurrengora arte!
Urtero bezala, aurten ere, Nafarroaren eguna ospatu da Baigorrin. Aurten gainera aberri eguna ere ospatu da batera eta, beste nobedade bat, Nafarroaren eguneko antolatzaileek Burrunbazaleok gonbidatu gaituzte lehenengo aldiz (hemen programa). Han izan gara gehienok (batzuk astesantuko oporrak aprobetxatuz “en el exilio” genituen: Galizian, Cantabrian, Lanzaroten…) eta aspaldiko lagunen bat (eskerrik asko Perona, Olatz eta, nola ez, Lander!!!).
Ordizitik goizeko 8:30etan atera ginen igandean, larunbatean soziedadean afaritxo bat egin eta gero… Goiz gogorra izan zen, bide luzea, logure asko, marrubiak, polizia nazionala… Hala ere, hamaiketarako Baigorrin geunden, kotxea antolatzaileek prestatutako lekuan geneukan, edaritarako tike pilloa poltsikoetan, jotzeko eta bazkaltzeko ordutegia…
Gure saioa 15:30ean hastekoa zen eta goiza aprobetxatu genuen dantzari, zanpantzar eta beste musika taldeak ikusten, Baigorriko zerbezari gustua hartzen genion bitartean… Eguerdia pasata, Sarasolak mezu bat bidali zigun oso oso preokupatuta, lo hartu zuela esanez eta ohetik mugitzeko intentziorik ez zuela erantsiz… 3 tronpeten lana egin zuten Paskualek eta Peronak… Eskerrak!
Bazkari bikaina prestatu ziguten Basaizea elkartekoek eta, arratsaldean, kalejira batzuk jo genituen euripean… Dantzan jarri genituen batzuk, kantuan beste batzuk eta, bukatzeko, ordua erabat ahaztuta ordubete beranduago bukatu genuen… Tartean, SKA-P-ren batzuk estreinatu genituen eta Burrunbazaleon abestia Ordizitik kanpo jo genuen lehenengoz (bai, egia da, ordiziarrez inguratuta beste behin ere…)
Gero, talo bat afalduta, tikeak gastatzeari ekin genion eta, instrumenturik gabe bageunden ere, kale animazioan jarraitu genuen goizeko ordu txikiak arte!!! H katalanez kantatzen, Lander “me voy a comprar unas txapas!!!” bullaka eta guztiok Aurtzakako dantzariekin dantza “konpetizioan”…
Izugarrizko eguna!!! Eskerrik asko antolatzaileei gutaz gogoratzeagatik… Ea, datorren urtean ere Basaizekoek berriro deitzen diguten!!! Bestela, lasai, han izango gara eta era guztietara!!!
Hemen klik egin Nafarroako eguna “noticiasdenavarra.com”en ikusteko.
Eta hauetan, bideo batzuetan, Baigorrin egon zen giroa ikusi nahi baduzue: Bideo1, Bideo2, Bideo3.
Urtero bezala, Burrunbazalek Tolosako Iurre elkartearen gonbidapena onartu zuen eta Ostegun gizenean, Ordiziako Itxaropena elkartean Aierbek prestaturiko afaria “bukatu” ostean (eskarrikasko H zure bi postreengatik…), Tolosarako bidea hartu genuen. Kolaboratzaile berezi bat izan zen gurekin “Jueves Gordo” jotzeko, mila esker Imanol berriro ere! Hirurak aldera itzuli ginen joandako gehienok (Burrunbazaleetako batzuei gaua goizalderarte luzatu zitzaien Tolosan…), ostiraleko lana eta klaseak goizean goizetik ahalik eta aurpegi onenarekin aurrera eramateko asmoz…
Larunbatean, Burrunbazaleok Usurbilgo karnabaletara joan ginen arratsaldea Usurbildarrei alaitzera. Garazi etorri zitzaigun, aspaldiko partez, txapak jotzera eta dantza eta kantuz Usurbil alaitzen laguntzera. Izan genuen hantxe bertan Maite Zaitut jotzen lagundu zigun pailazo/trikitilari bat eta Amparito Roca eskatzera etorri zen usurbildarren bat ere bai; aurten, kantuz eskaini behar izan genion, baina datorren urtean…
Igandean, egun pasa joan zen Burrunbazale (Eñaut Madrildik etorrita…) Tolosara, Iurrekoekin jotzera Ordizian Rugbyko festa utzita… Olatz ere etorri zen, tronboia hartuta, “para recordar viejos tiempos” edo “para preparar nuevos” eta han zeuden Iruñako lagunak, urteroko tolosarrak eta bonbardino “berri” batekin batera igaro genuen egun osoa.
Eskerrikasko denoi giro ezin hobean laguntzeagatik.
Eskerrikasko baita ere Iurreko lagunei, gosari eta bazkari ikusgarriagatik eta datorren urterako gonbidapenagatik; han izango gara denok berriz…
Ez da oraindik astebete igaro grabatu genuenetik eta Lip Duba kalean da!
Gaztetxeko lagunek gogor egin dute lan bideo hau prestatzen, entsaioetan, grabaketan… eta hemen dugu lan guzti horren fruitua!!! Hor gaude Burrunbazaleok kalejiran gaztetxe ondoan aldapa gora.
Hemendik eskerrak Gaztetxekoei Burrunbazaleoi ere festan parte hartzen uzteagatik…
Larunbat goizean ordiziar asko jaiki zituen Laket-ek Ordiziako Gaztetxearen 25. urteurrenerako egindako abestiak.
Hamaikak inguruan bildu ginen gaztetxearen urtemuga opari izango den “Lipdub”-a grabatzeko. Burrunbazale Ordiziako beste talde askoren arteko bat izan zen (Laguntasuna Errondalla, Laket, rugbykoak, saskibaloikoak, dantzariak, eskubaloikoak, senideak, buruandi eta errandoiak, pelotariak, Ordiziarock-ekoak, Oiangu bizirikekoak, Urrup antzerki taldekoak, atletismokoak, eta gaztetxearen beste lagun asko) zen atzo eta behingoagatik hotsik atera gabe kamera aurrean 5 segundoko “antzerki lana” prestatu zuen (batzuk batukadan ere egon ziren…).
Gero, gaztetxean bertan zerbezatxobat edan ondoren, gaztetxeko lagunek frontoian prestatutako hamaiketakoan bildu ginen “lipdub”-ero guztiak sagardo, “jamonyor” eta patata artean…
Hemen argazki batzuk eta azpian “el bideo del como se hizo”…
Not logged in